Entèlijans atifisyèl : yon zouti k ap chanje lavi nou chak jou

Depi kèk tan, entèlijans atifisyèl (yo rele li “IA” tou) pran plas nan lavi nou san nou pa menm reyalize sa. Lè w ap gade yon film Netflix li rekòmande, lè telefòn ou korije mesaj ou, lè ou mande yon kesyon sou entènèt epi w jwenn repons imedyat — se IA k ap travay dèyè rido a. Teknoloji sa a aprann, li analize, epi li ede w pran bon desizyon pi vit, chak jou.

Men IA pa sèlman pou gwo konpayi. Jodi a, ak zouti ki fasil pou itilize, nenpòt jèn, antreprenè, etidyan oswa pwofesyonèl ka sèvi ak IA pou fasilite lavi li. Ou ka itilize li pou fè rapò biznis, prepare pwojè, jere done, jwenn lide, oswa mete plis efikasite nan sa w ap fè chak jou. Sa fè w touche plis, travay pi byen, epi jere tan w pi entèlijan.

Konprann kijan pou itilize entèlijans atifisyèl se tankou konnen kijan pou sèvi ak entènèt nan ane 2000 yo. Se pa yon istwa pou “nèg teknik” sèlman. Se yon opòtinite pou tout moun ki vle avanse, devlope tèt yo, e prepare pou travay oswa biznis lavni yo. Se misyon pa Dorvil Tech pou ede w fè sa pi senp, ak fòmasyon ak konsèy ki adapte ak reyalite w.

Dorvil Jean-Ronel 18 Avril 2024